Wazak

Kinalap kong muli ang mga larawan

At nilunod ang paningin sa iyong mukha

Hinanap kong muli ang mga kanta

At pinakinggang paulit-ulit ang mga salitang

Aking minsan nang inamin

Binato sa iyong harapan

Upang iyong malaman

Ang tunay kong nararamdaman.

Sinubukang buuin ang mga hakbang

Ng sayaw na nalimot ko na yatang gawin

At ngayo’y isinatula ang mga salita

Magagawa kaya nang maganda?

Binigkas ng bibig ang pagbitaw

Upang maging tapat na walang aasahan

At nanatili sa pangakong walang magbabago

Balik sa dati para sa ikabubuti ng lahat

Ngunit hindi ko magawang ikaw ay kalimutan

Sinuman ang dumating ay hindi mapalitan

Ang puso ko’y ikaw pa rin ang pinagsisigawan

Ano pa bang magagawa kundi ito’y hayaan

Anuman ang kahinatnan

Na naman…

Hunyo 24, 2011